Ichimlik suvi ishlab chiqaruvchi korxonalar uchun suv filtrlari

Teskari osmos texnologiyasi asosidagi suv tozalash sistemasi bugungi kundagi eng zamonaviy va ilgʼor suv tozalash sistemasi boʼlib, bunda suv bir emas, balkim bir necha turli fil`trlar orqali tozalanadi. Har bir filtrning oʼz funktsiyasi boʼlib, u suvni tegishli unsurlardan tozalaydi, suvning xususiyatlarini yaxshilaydi. Teskari osmos tizimi suvni unda erigan deyarli barcha moddalardan chuqur tozalash (99,8% gacha) uchun moʼljallangan.

Ushbu texnologiya asosidagi suv tozalash sistemalarning boshqa filtrlash sistemalaridan farqi shundaki, bunda suv molekulyar darajada tozalanadi va buning natijasida suvdagi deyarli barcha zararli unsurlar, pestitsidlar, nitratlar, gormonlar, antibiotiklar, bakteriya va viruslar ham olib tashlanadi.

Teskari osmos texnologiyasi asosidagi suv tozalash sistemasining asosiy tarkibiy qismlari quyidagilar:

• 1. Birlamchi nasos – suvni boshlangʼich tozalash filtrlariga xaydaydi.
• 2. Boshlangʼich tozalash filtrlari suvni birlamchi tozalab, uni teskari osmos membranalariga uzatishga tayyorlaydi. Boshlangʼich tozalash bosqichidan oʼtgan suv teskari osmos membranalari xizmat muddati uzayishiga olib keladi. Boshlangʼich tozalash bosqichi filtrlari quyidagilardan iborat:
  • a) Mexanik filtr – suvni birlamchi tozalash uchun moʼljallangan. U suvdagi 200 mikrongacha boʼlgan mexanik aralashma va suzib yuruvchi zarrachalarni (kolloidlar, metal ionlari, radionuklidlar, zang, qum, suv oʼtlari va shu kabi boshqa yirik zarralar) saqlab qoladi. Filtrlovchi element – kvarts qumi.
  • b) Sorbtsion filtr – suvni organik ifloslanishdan, ogʼir metallar va xlordan tozalash bilan birga, uning rangini, hidini va taʼmini yaxshilaydi. Filtrlovchi element – faol karbon (активированный уголь).
  • c) Suv yumshatish filtri – suv yumshatish elementi (kationit) yordamida suvdan kal`tsiy, magniy singari qattiq tuzlar ionlarini olib tashlash orqali uni yumshatadi. Uning tarkibiga shuningdek ion almashinuvchi modda xususiyatini qayta tiklash uchun suyuqlik tayyorlanadigan maxsus bochka ham kiradi. Filtrlovchi element – kationit (ion almashinuvchi maxsus ekologik toza modda).
  • d) Mikronli filtr (фильтр тонкой очистки) – suvni 5 mikrongacha boʼlgan mexanik aralashma va zarralardan tozalaydi. Filtrlovchi element – qogʼoz kartridj.
• 3. Yuqori bosimli nasos – suvni yuqori bosim ostida teskari osmos membranalariga haydashga moʼljallangan.
• 4. Teskari osmos tizimi – suvni molekulyar darajada tozalab, suvdagi erigan deyarli barcha moddalarni olib tashlaydi. Buning natijasida suvdagi deyarli barcha zararli unsurlar, pestitsidlar, nitratlar, gormonlar, antibiotiklar, bakteriya va viruslar ham olib tashlanadi. Teskari osmos filtrlash tizimi suvni mukammal tozalagandan soʼng uning kislotalik darajasini (pH) neytral darajaga yetkazadi. Filtrlovchi element – teskari osmos membranalari.

Sanoat suv filtrlari. Suv tozalash uskunalari. Raqobatbardosh narxlarda ichimlik suvi ishlab chiqaruvchilari uchun Toshkent shahridagi yeng yaxshi suv filtrlariga buyurtma bering.